5 نصائح علمية , للتغلب على رائحة الفم الكريهة خلال شهر رمضان .. - أكاديمية الجويلى
قواعد الـ Career Shift العشرون
يونيو 20, 2017
قواعد "اختيار دورة الأجازة" الأربعون
يونيو 20, 2017
اظهر الكل

5 نصائح علمية , للتغلب على رائحة الفم الكريهة خلال شهر رمضان ..

المشاركةعلى مواقع التواصل الاجتماعى

5 نصائح علمية , للتغلب على رائحة الفم الكريهة خلال شهر رمضان ..
.

.
🔑 #حارب_الجفاف .. جفاف الفم , أو Xerostomia هو أهم سبب لرائحة الفم الكريهة (أو Halitosis) , خلال فترة الصيام .. و اللي ما ينفعش نواجهها بشرب المية , أو حتى مضغ لبانة , أثناء الصيام .. و لكن ممكن نتغلب عليها , بالتروية الصحيحة للجسم , خلال الفترة ما بين الإفطار للسحور .. يعني توزيع المية المطلوبة للجسم (3 لتر) على مدار فترة الليل , مش تجميع أكبر قدر ممكن منها في آخر 10 دقايق و بس قبل أذان الفجر !! .. لإن الشرب المفاجئ بكمية كبيرة قبل الفجر , بيخلي الكليتين يشتغلوا بأقصى طاقتهم , للتخلص من كمية المية الزايدة في الجسم في الوقت ده , و ترجع تعطش تاني في أسرع وقت ممكن ..
.
🔑 #اغسل_سنانك قبل الفجر (أو حتى أثناء الصيام) .. تراكم بقايا الأكل بين الأسنان و الضروس , بيعرضها للتعفّن .. و ده من أهم عوامل تصاعد الروائح الكريهة من الفم , عشان كده , لازم نتخلص منها , بغسل الأسنان كويس , و لو عرفت كمان تستخدم خيط تنظيف الأسنان , يبقى كويس , عشان تنظف الفراغات الموجودة بين الضروس , تحديدا في أي فك ما ظهرش فيه ضرس العقل حتى الآن .. الطريقة المثلى لغسل الأسنان هنا https://youtu.be/fHXOPun1cOs
.
🔑 #تجنب_حموضة_المعدة .. الارتجاع المريئي من أشهر الأسباب (غير الفمية) لرائحة الفم الكريهة .. و ده ممكن يزيد في رمضان , لما تاكل حاجات حامية ع المعدة , أو تتطلب إفراز كميات خرافية من الحامض المعدي , زي الطعمية و المقليات مثلا .. أو برضه زي الحاجات الحرّاقة أو المليانة بهارات ! .. كل ده حيخلّي النار تقيد في المعدة , و لو كنت من أصحاب الارتجاع المريئي , حتلاقي الحمم الحامضية بتتصاعد حتى الفم أثناء النوم , و تقوم حاسس بريحتها و طعمها في بقّك .. أو يتبقى منها الرائحة الكريهة و بس ..
.
من أهم الأسباب برضه للارتجاع المريئي و حموضة المعدة باستمرار , هو التعرض للـ negative stress بشكل متكرر .. و بمنتهى الاختصار , ده تقدر تتغلب عليه #مجانا باستخدام تطبيقنا Hypno-Gبسهولة كل مساء قبل النوم ..
.
🔑 #تجنب_احتقان_الجيوب_الأنفية .. الجيوب الأنفية (Paranasal Sinuses) , أحيانا بتتسد و تحتقن , و يتجمع فيها سائل متراكم , له طعم و رائحة منيّلين .. و ده يسهل التغلب عليه , في الحالات قصيرة المدى , باستخدام مضاد مناسب للحساسية ( Telfast مثلا) , و الأهم منه , الاستنثار بمحلول ملحي دافي (مية و ملح يعني) , مرتين يوميا أو أكتر .. و ممكن برضه تستخدم الطريقة دي https://youtu.be/88RUnc8AQFc
.
أكيد حنفكرك بتجنب المهيجات لاحتقان الجيوب الانفية مرة تانية , زي الغبار و الأتربة و التدخين و البخور و ما إلى ذلك .. اتفقنا ؟؟
.
🔑 #بلاش_كبريت_ع_السحور .. المقصود هنا , هو عدم تناول المأكولات الغنية بالكبريت ع السحور , و أشهرها البيض و الكرنبيط و الكرنب و البروكلي , و الثوم طبعا .. كلهم براحتك ع الفطار … لكن بلاش ع السحور , عشان ما تقومش تاني يوم حاسس إن فيه فار ميت جوه بطنك !! .. و لكن على العكس .. مأكولات زي #الزبادي / #الخيار / #الخميرة , ممكن تساعد على تخفيف تواجد الرائحة الكريهة سواء في القولون أو داخل الفم , لإنها بتساعد على تخليق البكتيريا الهاضمة النافعة أكتر .. , فتقضي على الرائحة الكريهة بإذن الله ..
.
📀📀 موضوع الـ Halitosis أو Bad Breath , ممكن يكون مشكلة أعقد من كده , و ممكن تكون أسبابه مختلفة و أوسع من كده (دوائي / نفسي / غذائي / مرضي .. إلخ) , بندرسها بشكل مفصل أكتر , عشان نقدر نتعامل معاه افضل داخل الصيدلية , في دورتنا 📮 OTC As It Should Be 📮 , اللي حنقدمها في 4 مدن (الاسماعيلية , دمنهور , كفر الشيخ و نجع حمادي) , خلال 🎍 El-Gewaily Tour 2017 🎍 بإذن الله .. لحجز مقعدك معانا , تواصل مع خاص الأكونت الرسمي  El-Gewaily Acad  عشان تعرف كل التفاصيل بسرعة بإذن الله ..
.
#احبكم_في_الله
#المجد_للمبادرين
#اتعلم_صح_باستمتاع
#شير_بفظــــــــــــــــاعة
.
أحمد الجويلى

التعليقات
المشاركةعلى مواقع التواصل الاجتماعى