قواعد زنقة الامتحانات الأربعون - أكاديمية الجويلى
إزاي تحول الـ OTC Skills بتاعتك إلى Cash Cow داخل الصيدلية ؟!! .. في 3 خطوات بالأمثلة العملية
يونيو 8, 2017
قواعد الـ Career Shift العشرون
يونيو 20, 2017
اظهر الكل

قواعد زنقة الامتحانات الأربعون

المشاركةعلى مواقع التواصل الاجتماعى

قواعد #زنقة_الامتحانات الأربعون : ..

.
1) بلاش panic و stress , .. و خد الدنيا ببساطة .. امتحانات و حتعدي
2) حافظ على عدد كافي من ساعات نومك .. تقدر تستخدم Hypno-G في كده
3) جداول تنظيم الوقت حلوة , لكن المفروض ما تاخدش أكتر من 10 دقايق في كتابتها
4) استخدم Pomodoro Technique , يعني ذاكر 25 دقيقة بتركيز , و ريّح 5 دقايق
5) استخدام تطبيق Forest , عشان تقلل من تشتتك بالحاجات اللي بتشد انتباهك عن المذاكرة
6) حسّن من طريقة مذاكرتك أيا كانت , لكن ماتحاولش تجرب طريقة جديدة خالص عليك
7) ماتقفلش أكونت الفيس بتاعك , عشان ممكن أعراض الانسحاب تظهر عليك و تكتئب
8) بدل ما تقفل الفيس , اعمل unfollow لزمايلك الفاقدين , و اطلع من الصفحات البايخة
9) استفيد من الفيسبوك من خلال جروب دفعتك (ابعته لـ El-Gewaily Acad ع الخاص , عشان بنحضر لك مفاجأة ) ..
10) اقرا في المصحف صفحة واحدة ع الأقل في 5 دقايق ..
11) طلّع صدقة و لو 5 جنيه من رصيد موبايلك برسالة لـ مؤسسة مرسال- Mersal Foundation ..
12) ابعد عن المنبهات .. بلاش كافيين خالص الله يكرمك .. قلله بالتدريج ..
13) ماتقولش بعدنا عن المنبهات , و تروح تضرب لي ترامادول !!
14) اضغط save بضمير مرتاح , لأي بوست فيه كورسات ممكن تشوفها أونلاين في الأجازة
15) لخّص المعلومات المهمة بنفسك و كإنك بتعمل برشام للغش , و لكن ابقى سيبه في البيت , عشان الغش حرام .. التلخيص ده بيثبت المعلومة برضه ..
16) لو لقيت إيفنت “لُقْطة” زي El-Gewaily Tour 2017 , الحق احجز فيه بسرعة .. اصحى ليغفّلوك !!
17) لو لخّصت حاجة و حسيت إن ده ممكن يفيد زمايلك , انشره .. ساعد غيرك تتساعد
18) ماتدّعيش إنك في الضياع , و إنك حتشيل المواد كلها , عشان ده مش بيساعدك ولا بيساعد غيرك .. ابعد عن الحسد , بالحفاظ على الأذكار , مش بخزيْ العين بالطريقة دي
19) حافظ على صلاتك بخشوع .. و ما تؤجلش الصلاة بحجة المذاكرة .. ربك هو اللي بيوفقك
20) خلي حالتك النفسية مرتفعة دايما .. و ده برضه ممكن يساعدك فيه تطبيق Hypno-G ..
21) ماتستخسرش أي وقت تستثمره في رسم خريطة ذهنية زي دي https://goo.gl/212uQp
22) اتمشى و لو 30 دقيقة في اليوم .. و يفضل لو كانت بعد الفجر و انت مع الكتاب ع الكورنيش
23) سجّل لنفسك بصوتك خلاصة كل فصل , و شغّلهم كـ playlist و انت نايم .. و ادعي لي
24) حافظ على مناعتك و جسمك من أدوار البرد , و اضرب 3 فصوص ثوم ع الريق يوميا
25) حافظ على جسمك و مخك دايما hydrated بـ 3 لتر مية أو أكتر , و ما تستخسرش في نفسك وقت دخول الحمام
26) شوف كل يوم Motivational Video قصير يوميا أول ما تقوم م النوم .. حيخليك أسد
27) افصل نفسك عن الأخبار السلبية و المشاكل اللي حواليك , و اقنع نفسك إنك حتتعامل معاها بس في الأجازة , مش دلوقتي خالص ..
28) اطلب من والديك و الصاحلين اللي تعرفهم إنهم يدعوا لك بالتوفيق .. دعوة منهم بتفرق
29) شكوت إلى وكيع سوء حفظي , .. فأرشدني إلى ترك المعاصي
و أخبرني بأن العلم نور .. و نور الله لا يهدى لعاصي
30) ماتلضمش في أي مسلسلات في رمضان الجاي .. انت مش ناقص تضييع وقت
31) تخيّل نفسك و انت في الامتحان و بتحل كويس .. زي ما قلنا هنا https://goo.gl/M0eE7C
32) عليك و ع الجنسنج و الجنكوبيلوبا و غذاء ملكات النحل و حبة البركة و الكركم ..
33) اختار أنسب وقت للمذاكرة , و ما تتقيدش باختيارات حد تاني للوقت المناسب
34) عالجي الأنيميا اللي عندك لو كانت هي السبب في النسيان و عدم التركيز
35) جرب تشغّل white noise على موبايلك من تطبيق White Noise Free
36) دوّر ع اليوتيوب على فيديوهات animation قصيرة تشرح اللي ممكن ما تكونش فاهمه , زي شرح دورة كريبس هنا مثلا https://youtu.be/dBWMxQTd1nc
37) ذاكر لوحدك .. #الأسطورة_بتقول إن مذاكرة الصحاب مع بعض عبارة عن جملة “لأ بجد يلّا نذاكر بقى!” كل خمس دقايق.
38) ماتذاكرش في السرير .. المذاكرة أقوى منوّم على وجه الأرض .. ذاكر على مكتبك
39) لو بتشرب سجاير , بطل تدريجيا , انت مش ناقص قطران https://youtu.be/LAgy9tvG9oI
40) قلنا “ساعد غيرك , تتساعد” , لو نشرت البوست ده عندك , ربنا حيوفقك في امتحاناتك
.
#اتعلم_صح_باستمتاع
#المجد_للمبادرين
#أحبكم_في_الله
.
أحمد الجويلى

التعليقات
المشاركةعلى مواقع التواصل الاجتماعى