سبع خصايص .. تخليك ناجح مش لايص !! .. - أكاديمية الجويلى
9 نصائح جويلية يجب أن تطبقها فى ليلة الامتحان
مايو 27, 2015
الاسم العلمى و نظرية الكومودينو
يونيو 2, 2015
اظهر الكل

سبع خصايص .. تخليك ناجح مش لايص !! ..

المشاركةعلى مواقع التواصل الاجتماعى

success 0

ღϠ₡ღ القابلية للتعلم .. لازم تتعلم إنك تعرف تتعلم .. الناجحين ما نجحوش , عشان بيعرفوا يقوموا بشىء واحد و خلاص .. و لكن عندهم القدرة إنهم يكمّلوا مهاراتهم اللازمة للوصول بكفاءتهم لأعلى درجة ..

.

ღϠ₡ღ ذل نفسك للّى أعلى منك .. عمرك ما حتقدر تتعلم حاجة جديدة , و انت حاطط مناخيرك فى السما , و شايف نفسك أعلى من الكل .. و إلا حتكون على أول سلم الفشل , إن لم تكن فى آخره بالفعل !! ..

1

.

ღϠ₡ღ انسب الفضل كله لله .. هو اللى خلّاك كده .. دى مش شطارة أو فهلوة منك .. و كل ما شكرته بجد و كنت حاسس بنعمة ربنا عليك , و فضله اللى خلاك ناجح , حتلاقى ربنا بيزيدك و يكرمك أكتر .. القاعدة واضحة : و لئن شكرتم لأزيدنكم ..

.

ღϠ₡ღ القشور مهمة , بعد الاهتمام بالجوهر .. التسويق الجيد لمنتجك مطلوب , و لكن لازم منتجك نفسه يكون متميز , عشان يستمر و يزدهر .. المسمّيات الرنانة شىء كويس , و لكن المحتوى لو ماكانش جذّاب , عمره ما حينتشر ! ..

.

ღϠ₡ღ فريق العمل لازم يكون بيحب بعضه بجد  <3 <3 <3  .. سيبك من الكلام عن الاحترافية و إنى أشتغل لوحدى , أو فى فريق مش بيطيق بعضه , بس محترف , فيعمل اللى عليه كويس .. الكلام ده ممكن يتم بره , لكن مش هنا .. من الآخر , ربنا يرزقك بفريق عمل يخاف عليك , و يشتغل معاك , كإنه بيشتغل لنفسه ..

.

ღϠ₡ღ مش عيب – بل مطلوب – إنك تشتغل بمقابل مادى , و لكن دايما قدّم قيمة بعملك و مجهودك , أكبر من المادة اللى بتحصل عليها , .. ساعد غيرك بدون مقابل ..

.

ღϠ₡ღ خدمة عملائك قبل و بعد الخدمة أو البيع , سر قوى من أسرار نجاحك , و لو قصّرت فيه , يبقى انت كده بتقصف عمر نجاحك , و تمسحه بأستيكة !! ..

.

‫#‏حاجة_فى_السريع_كده‬

‫#‏خلاصة_خبرات_سنين‬

‫#‏كلمات_وراها_معانى‬

كما يمكنك قراءة مقالنا الذي كتبناه بعنوان : معايير النجاح في الصيدلية من الرابط ده >>  https://wp.me/p9ibpe-k0

‫#‏أحبكم_فى_الله‬  🙂

أحمد الجويلى

التعليقات
المشاركةعلى مواقع التواصل الاجتماعى