إزاى تقوم من النوم .. مبتسم ؟؟ - أكاديمية الجويلى
الصيدلة المصرية فى 2013
يناير 3, 2013
الحق قبل الأحد 6 يناير
يناير 5, 2013
اظهر الكل

إزاى تقوم من النوم .. مبتسم ؟؟

المشاركةعلى مواقع التواصل الاجتماعى

لما سألت قبل كده عن إحساسك لما بتقوم من النوم , لقيت الأغلبية العظمى بتقوم “مقريفة” (بالمصطلح المصرى الشهير) , .. و عشان كده , اسمحوا لى أطلعكم على شوية نصايح , انا جربتها (على نفسى) , وجابت نتيجة فورية بخصوص الموضوع ده ..

أول ما تصحى اذكر الله , و بعد كده اتوضى و صلّى .. صلى الضحى بعدما تكون صليت الفجر .. فكّر نفسك تبتسم تلقائيا (و لو بدون سبب) أول ما تقوم من النوم .. بشكل تقليدى .. قول أذكار الصباح بشكل دائم كل يوم .. خلّى عندك هدف (و لو بسيط) , عشان تقوم عشانه .. و لو كان “هايف” , المهم تكون بتحبه .. نام بالليل دايما على مشاعر إيجابية (على قد ما تقدر طبعا !!) , من غير حزن أو ضيق .. و إذا ما قدرتش تعمل كده بنفسك , اسمع تسجيلات ممكن تساعدك على الدخول فى حالة من الاسترخاء زى كده (فى آخر رابط) .. أول ما تقوم من النوم , فكّر نفسك بنعمة واحدة عندك , ممكن ما تكونش موجودة عند غيرك .. و خلال أول ساعة من يومك , اقرا و لو صفحة من القرآن , و لو ما عندكش وقت , اسمعها بصوت القارئ اللى بتحبه , فى الهيدفون بتاعك و انت رايح الشغل مشى , أو فى Mp3 العربية ..

أى حاجة من الحاجات اللى فاتت (لو اتطبقت) , حتخليك خلال فترة قياسية , شخص مبتسم , مقبل على الحياة .. و بالتالى تزيد إنتاجيتك بشكل مميز إن شاء الله ..

و ما تنساش تبقى تدعى لى جامد 🙂

(غير منقول) .. فلو لقيت الكلام ده مفيد ليك .. اعمل شير علطول 🙂 ..

أحمد ^_^

التعليقات
المشاركةعلى مواقع التواصل الاجتماعى